31日

       每日一蘋果？但大約十日無食蘋果啦～！所以大年初三一早起身一次過食足十日的蘋果喔！今朝一覺醒來回到現實了！童話世界生活的確完美，但自己不是童話公主～不用發夢了！

      今日約左BOC Training Friends團年！懷念Connie屋企，懷念齊齊打麻雀，懷念美男女kitchen，懷念……雖然今日應該會有人無黎，有人早走，有人遲黎！Nevermind～其實仲有機會見到你地已經好夠呢～^^

32日

一千大元利是！呆了…

新年食法國餐！呆了…

體驗更上一層樓真實版！呆了…

名車來回接送！呆了…

的確………感覺一天小公主的對待！但王子………呆了…

33日

        恭喜發財！大年初一又係時候逃走啦～！我同婷婷訓醒就出去開始傾我地的大計！唔止係Café，好多的店舖都唔開！未開始旅程就咁多阻礙！終於可以坐低落黎，正式開始！但正經左前半段，後段兩個响度猛睇Facebook，多謝介紹咁多咁正的Facebook人物比我睇！=.=

夜晚Dinner with “BB” @ MK！明白你的好奇心，但你聽過嗎？好奇心的出現係由你對那人的關心所致！之後Ｆ３出左尖沙咀睇花車巡遊～但一架車都睇唔到囉！只係不斷猛影馬路，路燈，路牌。。。有用既？

34日

        幾經波折的新年睇戲團，明白凡事要捨得捨取先會成功呢！Sorry For CRSTAL！去左奧海睇＜奇幻逆緣＞，果然一絕！後半段都係喊。。。最終懷裡的ＢＢ合上眼一刻，簡直淚流成河！完場果陣，嚇到蛋散小標呆左！但Emma & Anthea & 婷婷 十分冷靜，已習慣了我。。。

From <The Curious Case of Benjamin Button >

35日

唉～由今日星期六開始～每星期都係長週～直至離職！算～當賺多Ｄ呀！放工同禮文＆水剪吉，剪菊花，剪桃花…..全部放哂上自己張枱！好白痴迷信但好玩呢！

夜晚睇＜崖上的波兒＞！評語：天真純樸的故事！波兒的確好堅持明確自己想得到的，自己想得到的會這樣的追求嗎?

36日

每年公司大堂的大桃花終於黎啦～見到每一位，每一個人都叫我記住行桃花！順時針行三圈真的Work嗎？

37日

今日已經開始第一餐的Farewell飲茶！哇～咁食落去咪足一個月？Anyway多謝各位同事！

38日

        第一個要多謝婷婷！因為只有佢係第一個第一時間即日關心我Resign後的心情！好感動～希望你都可以快Ｄ解決請辭一事啦～        當然今日開始陸續有朋友問候我，Cheap Family理所當然係頭幾位啦～

半夜會打電話比人，因為果一刻好想有人聽自己講野！今日放工才Call Back，有少少唔好意思！我知道果刻好想講的未必呢刻會講呢！可能只係一些鎖碎的事，但如被選中打電話的對象，我真係好開心！

39日

        由於離職日期的問題，我要等到今朝一早開會先可以公開Resignation一事！

當早會去到尾聲，我搶先講左一句：我有事宣佈！果刻連自己都覺得勇呢！一路講，一路都見到大家表情：呆了→疑問→羨慕→不捨！

        之後一整天全間行的話題就係我離職一事！有Ｄ人聽聞少少，竟然走過黎恭喜我：個肚幾大呀？澳洲邊個省舉行婚禮呢？會好似黎姿的澳洲世紀婚禮嗎？……..夠啦～深深感受到辦公室的傳聲筒威力？太誇張吧！？

40日

一直都好擔心的日子正式要面臨! 今朝番到公司時間簡直未到８點，應該係歷來最早！總行一個人都無。。。第一次見！呆等左Manager４５分鐘，終於見到佢出現～！但佢見到我只係用左一秒時間──－＞拒絕我！竟然封信唔係佢收，應該比主管！好在我醒目Print Out多份Resign Letter for主管！主管房好遠呢～

推開門，主管見到我拎住個大信封就笑笑口！相信呢個金融風暴時候竟然有員工自動流失！邊個老闆會唔開心到笑呢？雖然整個對話佢都扮到好關心我辭職原因／感受／分享。。。但係都掩飾唔到佢開心程度=.= 最後，佢祝我的一句：一路順風！＜──FEEL到係最真心的一句！